სენატი რუსეთის პოლიტიკას აკრიტიკებს

აშშ-ის სენატის საგარეო ურთიერთობათა კომიტეტში შევიდა რეზოლუციის პროექტი, სადაც საუბარია რუსეთის პოლიტიკის, კერძოდ, საქართველოს მიმართ პროვოკაციული და სახიფათო პოლიტიკის დაგმობაზე

რეზოლუციის ინიციატორია სენატის საგარეო ურთიერთობათა კომიტეტის თავმჯდომარე ჯოზეფ ბიდენი. განცხადებები იმის თაობაზე, რომ რუსეთის ფედერაციამ დიპლომატიურად უნდა აღიაროს აფხაზეთისა და სამხრეთ ოსეთის დამოუკიდებლობა, საფრთხეს უქმნის მშვიდობას და უსაფრთხოებას რეგიონსა და საქართველოში. რეზოლუციის თანახმად, შტატები გმობს რუსეთის ფედერაციის ხელისუფლების ოფიციალური პირების ამასწინანდელ განცხადებებს, რომ რუსეთმა უნდა ცნოს აფხაზეთი და სამხრეთ ოსეთი. ასეთი განცხადებები აღიქმება, როგორც საქართველოს სუვერენიტეტის ხელყოფა და ყველა საერთაშორისო სამშვიდობო ვალდებულების და ძალისხმევის იგნორირება. სენატი მოუწოდებს რუსეთის ფედერაციას, მოახდინოს ასმგვარი განცხადებების დეზავუირება, - ნათქვამია რეზოლუციაში